Amal-e-Taskheer::.عمل تسخیر

Posted on 06. May, 2009 by in March2009, عمل تسخیر

غضب کا عمل تسخیر برائے ہر خاص و عام

گزشتہ چند دنوں میں کئی حضرات نے بذریعہ ای میل ایسے عمل کی فرمائش کی تھی جس سے تسخیر خاص و عام حاصل ہو اور عمل مجرب المجرب بھی ہو بے شمار اعمال تسخیر میں سے اس نایاب عمل تسخیر کا انتخاب کرکے قارئین کی خدمت میں پیش کرنے کی سعادت حاصل کر رہے ہیں ۔

اس عمل کی بدولت وہ تمام افراد جن کا تعلق عوام سے ہے جیسے اطباء ، ڈاکٹرز۔ وکلاء حضرات،بیرسٹران ، دوکاندارحضرات، عاملین و منجمین ، پراپرٹی کا کام کرنے والے ، وغیرہ
شرطیہ کامیابی حاصل کر سکتے ہیں ۔
اگر آپ ڈاکٹر ہیں تو آپ کے پاس مریضوں کا ہجوم اکٹھا ہونا شروع ہوجائے گا اور معقول آمدنی کا ذریعہ بنے گا ، اسی طرح عاملین و منجمین حضرات کے پاس دور درا زسے لوگ آنا شروع ہوجائیں گے۔ مطلب یہ ہے کہ اس عمل سے ایک نا معلوم کشش کے سبب سامنے والا کھینچا چلا آتا ہے جو ہر قسم کے کاروباری افراد کے لئے منافع کا باعث ثابت ہوتا ہے ۔
اگر آپ شوقیہ بھی اس عمل کو پڑھنا شروع کر دیں تو ایک ہجوم آپ کے گھر پر احباب کا لگا رہے گا عمل ہٰذا بااجازت حاصل ہوا تھا لہٰذا آپ تمام قارئین کو خلوص دل سے عمل کی اجازت دی جاتی ہے اور جو شرائط بیان کی جاتی ہیں ان کے مطابق عمل پیرا ہوں زیادہ سے زیادہ آپ کو اس عمل کو انجام دینے میں ۵ منٹ کا وقت درکار ہوگا اور فائدہ اس قدر حاصل ہوگا کہ آپ کے سوچ و گمان سے بالا تر ہوگا۔

ترکیب عمل
اگر آپ حافظ قرآن ہیں تو بہت بہتر ۔ ورنہ اول سورہ رحمن زبانی خوب اچھی طرح یاد کرلیں۔روزانہ جب طلوع آفتاب ہو اس کے پانچ منٹ بعد (طلوع آفتاب کا وقت مقامی اخبار سے دیکھیں )سورج کے سامنے منہ کر کے سورہ رحمن کی تلاوت کرنا شروع کر دیں جب فبای الاء ربکما تکذبان پر پہنچیں تو داہنے ہاتھ کی انگشت شہادت والی انگلی سے سورج کی جانب کردیں اسی طرح ہر مرتبہ جب فبای الاء ربکما تکذبان پر پہنچیں تو انگلی سے سورج کی جانب اشارہ کر دیا کریں۔
زیادہ سے زیادہ پانچ منٹ کا وقت درکار ہوگا اس عمل کی تلاوت کے لئے ۔ ایک ہفتہ کے بعد تسخیر خلق کے اثرات ظاہر ہونا شروع ہوجائیں گے لیکن یاد رکھیں اب تک صرف زکات ادا ہوئی ہے آپ اس پر اکتفا نہ کریں بلکہ عمل کو جاری رکھیں اور مزید چالیس یوم تک اسی طرح پڑھتے رہیں بڑی آسانی سے بعد نماز فجر اس عمل  کو انجام دیا جا سکتا ہے ۔
ایک چلہ (چالیس یوم) میں عام مخلوق کی آمد شروع ہوجاتی ہے ۔ دوسرا چلہ کریں گے تو خاص خاص لوگوں کی تسخیر شروع ہوگی ۔ تیسرے چلے میں رئیسوں ، جاگیرداروں اور عہدیداران کی تسخیر اور چوتھے چلے کے بعد رات دن مخلوق کا ہجوم لگا رہتا ہے ۔
یہ تمام افراد آپ کی کہی ہوئی بات کو رد نہیں کریں گے بلکہ تعمیل بجالانے میں خوشی محسوس کریں گے اگر آپ کی دوکان ہے تو لوگ خود بخود آپ کی دوکان پر کھینچ کر آئیں گے

خیال رہے کہ عمل ایسے ایام میں کیا جائے کہ مطلع ابر آلود نہ رہتا ہولہٰذا بہتر ہے کہ گرمی کا موسم اس عمل کو کرنے کے لئے انتخاب کیا جائے ۔

کوئی بات دریافت طلب ہو تو رابطہ کر سکتے ہیں ۔

Tags: