سورہ اخلاص کا ایک با موکل عمل ۔

سورہ اخلاص تسخیر کے لئے اکیسر کا حکم رکھتی ہے ۔ بزرگوں سے اس کے متعدد عمل منقول ہیں ۔ قارئین روحانی علوم ڈاٹ کام کے لئے ایک خاص عمل کو پیش کیا جا رہا ہے خیال رہے کہ یہ سورہ اخلاص کا ایک با موکل عمل ہے لہٰذا صرف وہی افراد توجہ کریں جو اس قسم کے اعمال کرتے رہے ہیں ۔ یہ عمل عجیب ترین ہے ۔ حل مشکلات کے ساتھ فرحت قلبی بھی حاصل ہوتی ہے ۔ دوران عمل ( حاضری موکل )  وہ حیرت انگیز مناظر دیکھنے کو ملتے ہیں جن سے نظر ہٹانے کو دل نہیں چاہتا ۔

عمل کے لئے مکمل خلوت اختیار کرنا ہو گی۔ ترک جلالی و جمالی کے ساتھ با حصار پندرہ یوم عمل کرنا ہوگا۔ دن میں چھ ہزار بار بطریق مذکورذیل سے پڑھیں۔

طریق :- اول و آخر درود شریف 41 بار۔

ہر 200 کے بعد ایک بار یہ دعا پڑھیں۔

عمل ہٰذا عام  نہیں اس لئے دوران حاضری ممکنہ مکالمہ نہیں لکھ رہا صرف خواص ہی اس عمل پر توجہ دیں ورنہ سخت رجعت کا خطرہ ہے ۔
احتیاط:-

1۔ دوران عمل صرف جو کی روٹی اپنے ہاتھ سے پکا کے کھانی ہوگی۔

2۔ پرہیز جلالی و جمالی ہے۔ ذرا بے احتیاطی ہوئی تو رجعت کا خوف ہے۔

3۔ دوران  عمل متعلقہ کمرہ جہاں عمل کرنا ہے۔ آبادی سے دُور ہو۔ اس کی پوری صفائی کرنے کے بعد عمل کریں۔ بہتر ہوگامکان کو  سفید کرائیں۔

4۔ دوران عمل عود ، صندل سُرخ ، مشک ، ناگر موتھا    کا بخور جلانا ہوگا۔

5۔ عمل با حصار کریں (حصار کے اندر پانی کا آفتابہ جائے نماز اور دیگر ضروری اشیاء رکھیں)۔

6۔ ہر روز دن کو روزہ رکھنا ہوگا۔

7۔ عمل کے لئے اپنا لباس معطر اور سفید استعمال کریں۔

8۔ عمل کے بعد جو وقت میسر ہو درود شریف پڑھتے رہیں۔

9۔ عمل عروج ماہ تو چندی جمعرات کو شروع کریں، اگر اس روز قمر در عقرب ہو تو آئندہ جمعرات کو شروع کریں۔

10۔ عمل کرنے سے پیشتر راقم الحروف سے اس کی اجازت حاصل کرنا ضروری ہے۔