ڈاکٹر سید مسرور حسین رضوی کا امامیہ جنتری میں شائع ہونے والا عمل درود ۔ قارئین کے بے حد اصرار پر پیش خدمت ہے
جمعرات کو علم حضرت شہنشاہ وفا باب الحوائج ابوالفضل العباس علیہ السلام کے سائے میں باوضو بیٹھ جائیں اور ۱۱(گیارہ) عدد تسبیح درود محمد وآل محمد پر پڑھیں ۔ گیارہ تسبیح پڑھ کر فارغ ہوجائیں تو حضرت امیر المومنین مولا علی ابن ابی طالب علیہ السلام سے اپنی حاجت کے بارے میں رجوع کریں ۔ اور واسطہ دیں حضرت عباس عملدار علیہ السلام ، حضرت امام حسن مجتبی علیہ السلام اور سید الشہدا حضرت امام حسین علیہ السلام مظلوم کربلا کا اور یوں کہیں کہ میری حاجتیں پوری ہوں گی تومیں بارھویں (۱۲) تسبیح پڑھوں گا /پڑھوں گی ۔ اور نذر حضرت مولا علی علیہ السلام ،حضرت عباس عملدار علیہ السلام ، حضرت امام حسن علیہ السلام اور حضرت امام حسین علیہ السلام دوں گا/دوں گی ۔ انشاء اللہ اگلی ساعت تک آپ کی حاجت پوری ہوجائے گی ۔
ہدایت: یہ عمل کھلے آسمان اور صرف علم شہنشاہ وفا حضرت عباس علمد ار علیہ السلام کے سایہ میں ہی کرنا ہے ۔ تاریخ دن اور وقت کا خاص خیال رکھیں ۔ کیوں کہ ہر ہفتہ ساعت کا وقت تبدیل ہوجاتا ہے ۔ اس ساعت کا تعلق چونکہ شمس سے ہے ۔ لہٰذا گرمی یا دھوپ سے عاجز نہ آئیں ۔ یہ بے حد مفید ہے اور نہایت ہی فائدہ بخش ہے ۔ خواتین پردے کا خاص خیال رکھیں ۔ مومنین کرام سے گزارش ہے کہ اس عمل درود کو زیادہ سے زیادہ مومنین تک پہنچائیں ۔ تاکہ مومنین اپنی مشکلات سے نجات پا سکیں ۔
خیال رہے کہ تمام اوقات کراچی پاکستان کے مطابق مرتب کئے گئے ہیں دیگر شہروں و ممالک میں رہنے والے حضرات ادارہ سے رابطہ کر سکتے ہیں ۔
