شرف عطارد 2018

loh-e-sharf-e-atarad-2018

To Read This Article In English Please Click Here

شرف عطارد 2018- اعمال و نقوش و الواح و خواص شرف عطارد

سیارہ عطارد کو برج سنبلہ کے 15 درجہ پر شرف ہوتا ہے اس سال دائرۃ البروج کا دورہ کرتے ہوئے
مورخہ 13 ستمبر 2018 بوقت شام 7 بجکر 7 منٹ تا 14 ستمبر 2018 صبح 7 بجکر 43 منٹ تک سیارہ عطارد اپنے شرفی درجات سے گزرے گا ۔ 

ان اوقات کے دوران لوازمات عمل کو مد نظر رکھتے ہوئے اعمال و نقوش سے مستفید ہو سکتے ہیں نیز سیارہ قمر و زہرہ کی موجودہ نشست کو ضرور دھیان میں رکھیں اور صدقات وغیرہ سے تدبیر کریں ۔
علم نجوم کی باریکیوں کو سمجھنے کے لئے کتاب “ النجوم ” سے رہنمائی لے سکتے ہیں۔ 

سیارہ عطارد کو منشی فلک تسلیم کیا گیا ہے اس کے شرف میں علمائے روحانیت کے مطابق
تسخیر اہل قلم، قوی الحافظہ ہونے ، مباحثہ علمی میں فوقیت اور کامیابی امتحان ، حصول علم اور فصاحت و بلاغت، بچوں کی کند ذہنی دور کرنے کے لئے ، جو بچے تعلیم سے بھاگتے ہیں یا جن کے ذہن کمزور ہوں یا جو علم کی طرف رغبت نہ رکھتے ہوئے ،
امراض میں خواب یا بیداری میں ڈرنا ، جنون ، مرگی ، فاتر العقل ، مالیخولیا کے لئے اعمال تیار کئے جا سکتے ہیں ۔ 
سحر و جادو کے خاتمہ اور تحفظ کے لئے ، وہ افراد جن کی ترقی ایک عرصہ سے رکی ہوئی ہو یا ملازمت سے برطرف کردیا گیا ہو ، جب کسی کاروبار میں ٹوٹ پھوٹ کا سامنا ہو آئے روز حادثات کا سامنا ہو اور روپیہ پیسہ نہ ٹھہرتا ہو تو اس بد قسمتی کو دور کرنے کے لئے ۔ وہ افراد جو خدا نخواستہ بے گناہ کسی مقدمہ میں ملوث ہوچکے ہوں یا کوئی افسر ناجائز تنگ کر رہا ہو ۔ کسی مخصوص امتحان میں کامیابی درکار ہو اور باوجود کوشش کے نہ مل رہی ہو ۔ کسی بھی جائز حاجت کے لئے بالخصوص کوئی کام جو رکا ہوا ہو۔

اس مرتبہ ہم متعدد مقاصد کے لئے عمل پیش کر رہے ہیں مثالوں پر غور کرکے آپ بھی اپنے مقصد کے مطابق عمل بآسانی تیار کر سکتے ہیں دی گئی ہدایت کے مطابق عمل کریں ان شاء اللہ کامیابی آپ کے قدم چومے گی ۔

کسی افسر کی وجہ سے ملازمت سے برطرف کردیا گیا ہویا کسی حاکم کا خوف ہو یا دفتر میں کسی کا دل نرم کرنا مطلوب ہو تو درج ذیل جفری عمل سے شرف عطارد میں کام لیں دراصل یہ عمل کسی بڑے افسر یا حاکم وغیرہ سے کام نکلوانے کے لئے استعمال کیا جاتا ہے ۔ 

طریقہ کار کے مطابق پہلے اپنے نام مع والدہ اور نام مطلوب حاکم وغیرہ کو ایک سطر میں بسط کرکے لکھیں 
تکسیر جفری کرکے زمام برآمد کرلیں ۔ 
اب تمام تکسیر سے حروف صوامت نکال کر ان کے اعداد حاصل کریں ۔ حروف صوامت 13 ہیں (ا ح د ر س ص ط ع ک ل م و ھ )۔ 
اب اس تعداد میں سورہ والعصر کے اعداد 4740 شامل کریں ۔ حاصل مجموعہ سے مسدس دی گئی چال سے پُر کریں ۔
مسدس پُر کرنے کا طریقہ کار یہ ہے کہ کل اعداد سے 106 عدد قانون کے نفی کرکے باقی اعداد کو 6 پر تقسیم کردیں ۔ حاصل قسمت کو خانہ اول میں رکھ کر ایک ایک کے اضافہ سے نقش کو پُر کرنا شروع کریں تقسیم سے اگر ایک باقی رہے تو خانہ 31، دو باقی رہے تو خانہ 25 ، تین باقی رہے تو خانہ 19 ، چار باقی رہے تو خانہ 13 اور اگر پانچ باقی رہے تو خانہ 7 میں ایک عدد کا مزید اضافہ کیا جائے ۔ 
مثال ملاحظہ کیجئے 
طالب فیصل لطیف 
مطلوب ۔ کِریس 
بسط حرفی کیا ۔ ف ی ص ل ل ط ی ف ک ر ی س 
اب اس سطر کو تکسیر موخر صدر کرکے زمام برآمد کی ۔

تکسیر جفری ۔ 

سطراول میں جو حروف صوامت ہیں وہ درج ذیل ہیں 
ص ل ل ط ک ر س اعداد 439۔
کل 10 سطور میں زمام برآمد ہوئی ہے ۔ 
439×10=4390
یہ کل اعدادِ حروفِ صوامت ہیں جو اس تکسیر میں موجود ہیں ۔ ان اعداد میں سورہ والعصر کے اعداد 4740 کو شامل کیا ۔ حاصل مجموعہ 9130 ہوا ۔ 
ان اعداد سے قانون کے مطابق نقش مسدس پُر کرنا ہے قانون کے 105 عدد نفی کرنے کے بعد 6 پر تقسیم کیا تو حاصل قسمت 1504 حاصل ہوا ۔ تقسیم سے باقی ایک رہا ۔ گویا خانہ نمبر 31 میں ایک عدد کا مزید اضافہ کیا جائے گا ۔ اب ان اعداد کو درج ذیل چال کے مطابق پر کیا گیا ۔


چاندی کی تختی مربع ہونا ضروری ہے ۔ لکھتے وقت میں میں سچا سوراخ دار موتی ضرور رکھیں ۔ 
لوح کے تیار ہونے پر عود و صندل کی دھونی دے کر اپنے بازو پر باندھ لیں ۔ ان شاء اللہ چند ہی دنوں میں اثرات ظاہر ہونے لگیں گے ۔ 

ٹرانسپورٹ سے متعلقہ افراد کے لئے 

وہ افراد جن کا تعلق ٹرانسپورٹ سے رہتا ہو اور آئے دن ٹوٹ پھوٹ کے سبب نقصانات کا سامنا کرنا پڑ رہا ہو تو ایسی صورت میں اس لوح کو تیار کرکے مستفید ہو سکتے ہیں 
اپنا نام مع نام والدہ کے اعداد حاصل کریں 
اس میں 885 اعداد جمع کرکے درج بالا قوانین کے مطابق مسدس چاندی کی لوح پر کندہ کرلیں لوح کے نیچے درج ذیل کلمات لکھ دیں 
یا طھیال یا مکیال یا اصباؤث یا اھیا

نہ صرف ٹرانسپورٹ کے کاروبار میں فائدہ ہوگا بلکہ حادثات وغیرہ سے بھی امن میں رہیں گے مناسب ہے کہ لوح کو بس یا ویگن یا جو بھی سواری ہو ، اس میں رکھا جائے ۔ 

قوی الحافظہ ہونے کے لئے 

درج ذیل نقش کو چاندی کے پترہ پر کندہ کریں اور روزانہ صبح پانی کے ایک گلاس ڈال کر کچھ دیر کے لئے رکھ چھوڑیں لوح کو نکال لیں اور پانی پی لیں ۔ اس طرح چالیس یوم تک کریں ۔ اس کے بعد لوح کو سیدھے بازو یا گلے میں پہن لیں ۔ ان شاء اللہ حافظہ ایسا قوی ہوگا کہ لوگ رشک کریں گے ۔ 

اس کے علاوہ ” قل رب زدنی علما وارزقنی فھما ” کا نقش مربع ذوالکتابت بھی اس سلسلہ میں استعمال کیا جا سکتا ہے ۔ بالخصوص تعلیمی کامیابیوں اور تعلیمی رکاوٹوں کو دور کرنے کے لئے ۔ 

شرف عطارد اور مالیخولیا کا علاج

مالیخولیا کے مریض اگر ” بسم اللہ الرحمن الرحیم ” کے اکتالیس عدد نقوش ساعت عطارد میں زعفران سے لکھ کر روزانہ ایک استعمال کریں ایک نقش چاندی کے پترہ پر کندہ کرکے مریض / مریضہ کے گلے میں پہنا دیں تو ان شاء اللہ کلی شفاء ہوگی ۔ 
نقش درج ذیل ہے ۔ 

لکھتے وقت مربع کی چال تسلسل الدور کا خیال رکھیں۔

مخصوص مضمون میں کامیابی کے لئے 

اگر کوئی طالبعلم کوشش کے باوجود بھی کسی مخصوص مضمون میں کامیاب نہیں ہو پا رہا ہو اور وہ چاہتا ہو کہ اس سلسلہ میں کوئی روحانی مدد لی جائے تو درج ذیل عمل تیار کیا جا سکتا ہے ۔ مثال پر غور کریں۔
طالب جو ایک عرصہ سے کوشش کر رہا ہے ہیومن ریسورسز کے امتحان میں کامیابی کے لئے تو اس کےلئے نقش مربع ذوالکتابت اس طرح تیار کیا جائے گا ۔
طالب کے نام مع نام والدہ کے اعداد ابجد قمری 461 .
ہیومن ریسورسز 654.
رب یسر ولا تعسر 1239.
و تمم بالخیر 1329۔
میزان 3683 ۔

نقش کا وفق 3683۔ 
موکل استخراج کرنے کے لئے 41 عدد نفی کئے 
3642
ب م خ غ ج یعنی موکل ہوا بمخغجائیل
نقش کے نیچے یوں عزیمت تحریر کی جائے گی ۔ 
عزمت علیکم واقسمت علیکم یا بمخغجائیل فلاں بن فلاں کو ہیومن ریسورسز کے امتحان میں کامیابی دلاؤ بحق کلام اللہ بسم ربک
الذی بحق خلق الانسان من علق اقراء و ربک الاکرم الذی علم بالقلم علم الانسان ما لم یعلم ۔

چاندی پر کنده کریں اور گلے میں پہن لیں ۔ ان شاء اللہ امتحان کے سلسلہ میں کی گئی محنت رائیگاں نہ جائے گی اور کامیابی کا حصول ہوگا۔ 

کلالت نطق کا علاج

جیسا کہ ہم بیان کر چکے ہیں کہ سیارہ عطارد کا تعلق نطق سے ہے ۔ اگر کوئی فرد بات کرتے وقت ہکلاہٹ کا شکار ہو یا روانی سے اپنا مدعا بیان کرنے سے قاصر رہتا ہو تو اس لوح مقدسہ سے فیضیاب ہونا چاہئے ۔ اس کے علاوہ وہ بچے جو جلدی بولنا نہیں سیکھ پا رہے ہیں ان کے گلے میں بھی اگر یہ لوح ڈال دی جائے تو
ان شاء اللہ جلد بولنا شروع ہوجائیں گے اور زبان فصیح ہوجائے گی ۔

نقش کے چار دور ہیں 
دور اول ما لکم لا تنطقون اقراء باسم ربک الذی خلق کے اعداد 2876 سے پُر کیا گیا ہے ۔ 
دور دوئم خلق الانسان من علق اقراء و ربک الاکرم الذی علم بالقلم کے اعداد 3120 سے پُر کیا گیا ہے ۔
دور سوم ۔ علم الانسان ما لم یعلم یتکلمون الا من اذن له الرحمن و قال صوابا کے اعداد 2655سے پُر کیا گیا ہے۔
دور چهارم انطقنا اللہ الذی انطق کل شیء ففهمناها سلیمان کے اعداد 1992 سے پُر کیا گیا ہے ۔ 
نقش مربع ذوالکتابه کی چال اس سے قبل بھی درج کی جا چکی ہے ۔

کندہ کرتے وقت سیارہ عطارد کا بخور سلگائیں شرف کے اوقات میں ساعت عطارد کو ملحوظ رکھا جائے۔
لوح کے ہمراہ اگر اکتالیس عدد نقوش زعفران سے بھی تحریر کرلیں اور روزانہ ایک نقش پانی میں بھگو کر مریض کو پلائیں تو زیادہ مفید ثابت ہوگا۔ 

کسی مخصوص کام کو پایہ تکمیل تک پہنچانے کے لئے یا کوئی کام جو عرصہ دراز سے رکا ہوا ہو غرضیکہ کسی بھی حاجت کے لئے اس عمل کو تیار کیا جا سکتا ہے ۔ 

شائقین علم و فن نے ” الباعث ” کا نقش جو کہ کاش البرنی مرحوم نے پیش کیا تھا یقینا دیکھا ہوگا بلکہ بہت سے احباب نے استعمال بھی کیا ہوگا اسی طرز پر ایک اور آزمودہ و مجرب طریق پیش کر رہا ہوں طریق ہٰذا استاذی شفیع الدین نظامی مرحوم سکنہ کراچی سے احقر کو ملا تھا ایک عجیب رمز اس اسم مبارکہ میں موجود ہے کبھی موقع ملا تو اس کی زکات کا مفصل طریقہ کار تحریر کروں گا فی الحال ایک عمل پیش خدمت ہے ۔

نقش کے اوپر اسم موکل ” اثغائیل ” لکھیں ۔ 
نیچے مقصد تحریر کریں اس طرح 
یا الہٰی یا غیاث المستغثین فلاں بن فلاں کے قرض کی ادائیگی کے اسباب پیدا فرما بحق الغیاث۔
یا جو بھی آپ کا مقصد ہو مختصراً تحریر کریں ۔ 
نقش چاندی کے پترہ پر کندہ کریں عود کا بخور روشن کریں ۔ 
نقش کی پشت پر نام مع والدہ ، مقصد و اسم کے اعداد ابجد قمری سے حاصل کرکے مربع پُر کریں۔
مربع مقصد کے مطابق انتخاب کریں ۔ اب روزانہ کوئی مقررہ وقت و مقام پر پاکیزگی و طہارت کے ساتھ لوح کو دھاگہ کی مدد سے سر کے عین وسط پر رکھ کر دھاگہ کے دونوں سرے اپنی ٹھوڑی سے باندھ لیں تاکہ لوح گرے نہ ۔ 
اب آنکھیں بند کرلیں سکون و تحمل سے 1542 مرتبہ اسم ” الغیاث ُ ” کا ورد کریں ۔ 21 یوم تک ورد جاری رکھیں ۔ 
اس دوران کام ہوجائے تو بھی عمل کو جاری رکھیں ۔ 
حاجت پوری ہوچکی ہو تو 21 یوم کے بعد لوح کو دریا برد کردیں بعض امور ایسے ہوتے ہیں جن میں وقت طلب ہوتا ہے جیسے مقدمہ سے نجات یا رہائی وغیرہ یا قرض کی ادائیگی ۔ 
ایسی صورت میں اکیس یوم کے بعد لوح کو گلے میں پہن لیں ۔ 
روزانہ 313 مرتبہ کسی بھی وقت اسم کا ورد کرتے رہیں ۔ 
روزانہ ورد کے بعد ( اکیس یوم یا اس کے بعد ) اپنی حاجت کو ان ہی کلمات میں دہرائیں جو نقش کے نیچے تحریر کئے گئے ہیں ۔ 
اس ایک عمل سے ہی بے شمار مقاصد کے لئے کام لیاجاسکتا ہے ۔ 

مقدمہ میں کامیابی کے لئے ۔

نام مجسٹریٹ معہ عدالت ۔ 
نام مخالف وکیل معہ سیٹ نمبر ۔ 
طالب معہ والدہ ۔ 
اعداد سورہ والعصر ۔ ان میں مزید 13634 کا اضافہ کریں ۔ 
کل اعداد کو مسدس میں پر کرلیں بخور عود و صندل ۔ 
لکھتے وقت منہ میں مروارید رکھیں ۔ لوحِ چاندی تیار کریں اور پاس رکھیں ۔

تمام اعمال مکمل شرح و بسط و مثال کے ہمراہ پیش کردئیے گئے ہیں ہر ضرورتمند اپنی ضرورت کے مطابق ان اعمال سے مستفید ہو سکتا ہے ۔ وہ افراد جو کسی بھی سبب خود تیار کرنے سے قاصر ہوں اور وقت کی اجرت دینے کی اہلیت رکھتے ہوں وہ وقتِ ” شرف عطارد 2018 ” سے قبل رابطہ فرما سکتے ہیں ۔ 
[email protected]

Be the first to comment

Leave a Reply

Your email address will not be published.


*