فروری 2023 شرف زہرہ ۔ حصول محبت و تسخیر خلائق کا اہم وقت

شرف زہرہ 2022

شرف زہرہ کیا ہے ؟     

اب اکثر لوگ جانتے ہیں کہ "شرف زہرہ ” کیا ہے؟ البتہ وہ حضرات جنہیں علم نہیں ان کے لئے کچھ تفصیل لکھتے ہیں کہ علمائے علم جفر و نجوم کے مطابق سیارگان 12 بروج کا دورہ کرتے ہیں کبھی یہ سعد حالت سے گزرتے ہیں تو کبھی نحس سے ، سیارہ زہرہ جسے فارسی میں ” ناہید ” انگلش میں "وینس ” کہا جاتا ہے ، جب دائرۃ البروج کا دورہ کرتے ہوئے برج حوت جو کہ بارھواں برج ہے کے 27 درجہ پر پہنچتا ہے تو اسے شرف کی قوت حاصل ہوتی ہے۔ سیارہ زہرہ سورج کے گرد 225 دنوں میں اپنا چکڑ مکمل کرتا ہے ۔ یہ نسوانی قوت کا حامل ہے ۔ تاثیر کے لحاظ سے سیارہ زہرہ کو سعدِ اصغر مانا جاتا ہے ۔ اس مبارک و مسعود وقت سے وہ تمام لوگ مستفید ہو سکتے ہیں جنکا تعلق عوام سے رہتا ہے ، جیسے دکاندار ، حکیم ، لیڈر ، ڈاکٹرز، وکلاء ، صحافی حضرات ، غرضیکہ وہ تمام افراد کا کی آمدنی کا ذریعہ کسی نہ کسی صورت عوام سے تعلق رکھتا ہو۔ اس مبارک وقت میں تسخیر خلائق ، تسخر محبوب یا تسخیر مطلوب اور تسخیر اعلیٰ افسران کے لئے نہایت موثر جفری اعمال تیار کئے جا سکتے ہیں ۔

شرف زہرہ کے اوقات برائے سال 2023۔     

سال 2023 میں سیارہ زہرہ مورخہ 17 فروری 2023 بوقت 7:00am تا 18 فروری 2:28am بمطابق پاکستان اسٹینڈرڈ ٹائم اپنے شرفی درجات پر رہے گا۔

تسخیر خلائق      

تسخیر خلائق سے مراد یہ ہے کہ عوام آپ کی جانب کسی خاص کشش کے سبب مائل ہوں ۔ متوجہ ہوں ، آپ کی باتوں کو اہمیت دی جائے ، آپ کو عزت و احترام کی نگاہ سے دیکھا جائے ، آپ کی باتوں کو معمولی سمجھ کر نظر انداز نہ کیا جائے ، اگر باذن ربی کسی انسان کو خالق ع حقیقی یہ مرتبہ عطا کردے تو اسکے ارد گرد کے تمام افراد ایک نامعلوم کشش کے سبب اُس کی عزت کرتے ہیں اور اُسکی باتوں پر سر تسلیمِ خم کرتے ہیں۔

سیارہ زہرہ کی منسوبات     

سیارہ زہرہ کا تعلق انسانی جذبات سے ہے ۔ اتحاد و تنظیم ، ہمدری، محبت اسی سے منسوب ہے ۔ انسانی خیالات کے تبدیل کرنے میں ایک اہم کردار ادا کرتا ہے ، دیو مالائی نظریات رکھنے والے اس سیارے کو موسم ع بہار کی دیوی کہتے تھے ۔ شفاف ترین سیاروں میں سے ہے ۔ زمین سے قریب ہونے کے سبب بغیر دوربین کے بھی آسانی سے دیکھا جا سکتا ہے ۔ دائرۃ البروج میں برج سرطان و میزان حاکم سیارہ ہے ۔ شمس سے زیادہ سے زیادہ 45 درجہ آگے یا پیچھے رہتے ہوئے اپنی حرکت کرتا ہے ۔ دوسرے اور ساتویں گھر سے اسکا تعلق ہے ۔
اگر ہم اس کرہ ارض پر بسنے والی تمام مخلوقات پر نظر ڈالیں تو یہ بات مشاہدے میں آتی ہے کہ ہر مخلوق دو چیزوں کے حصول کی تگ و دو میں لگی ہوئی ہے ۔
نمبر ایک ۔ محبت یا قربت
نمبر دو ۔ زندگی کو بہتر طریقے سے لیکر عالیشان طریقے کے وسائل پر تسلط قائم کرنا ۔

سیارہ زہرہ الفت اور محبت کا مظہر مانا جاتا ہے ۔ سیارہ زہرہ انسانی زندگی کے مختلف ادوار میں بننے والے تعلقات اور رشتوں سے بھی منسوب کیا جاتا ہے ، جن میں دوستی ، شادی ، تنظیم، کاروباری شراکت شامل ہیں۔
خوبصورتی ، موسیقی ، فلم ، ادب ، کپڑا سازی کی صنعت، بناؤ سنگھاڑ کا سامان ، بیوٹی پارلر، اور وہ تمام چیزیں جن میں حسن و دلکشی ، زینت و آرائش کا عمل دخل ہو ان امور پر سیارہ زہرہ کی حکمرانی ہے ۔ انسانی جذبات و احساسات ، محبت اور قربت کی سوچ پر سیارہ زہرہ اثر انداز ہوتا ہے ۔ یہ معاشرہ میں سرگرم کرنے میں بھی مددگار ہے ۔ اسی طرح تعیشات زندگی جن میں زیور، مصوری کے فن پارے اور دیگر کئی قیمتی اشیاء شامل ہیں کا تعلق بھی سیارہ زہرہ سے ہے ۔

انسانی جسم میں پیٹ ، شریانوں ، ہڈیوں اور خون میں کیلشیئم کی مقدار کو متوازن رکھنے والے غدود ، گلا اور گردہ سے زہرہ کو منسوب کیا جاتا ہے ۔ جب ہم روم کی دیو مالائی داستانوں پر نظر ڈالتے ہیں تو علم ہوتا ہے کہ اس معاشرہ میں سیارہ زہرہ کو محبت ، خوبصورتی اور جذبات کی دیوی کے طور پر پوجا گیا ۔ اسی طرح ہندو داستانوں میں سیارہ زہرہ کو شکرا گرہ کہہ کر پکارا جاتا ہے اور اسے دولت ، تسکین اور پیدائش سے منسوب کیا جاتا ہے ۔

شرف زہرہ میں تیار کئے جانے والے اعمال     

تسخیر خلق و رجوع خلق

یہ عمل ان لوگوں کے لئے مفید ہے جن کا خلقت سے عام تعلق ہے جیسا کہ ہم مندرجہ بالا سطور میں تحریر کر آئے ہیں ۔

تسخیر مخصوص

یہ طریقہ ان خواتین و حضرات کے لئے مفید ہوگا جو کسی مخصوص فرد کی تسخیر چاہ رہے ہوں وہ افراد جو کسی خاص عورت کی تسخیر چاہ رہے ہوں یا کسی مطلوبہ جگہ شادی کے خواہشمند ہوں ، تو اس طریقہ کار کو اپنایا جائے ۔

حصول مال و دولت 

ہمارے ہاں عمومی طور پر مال و دولت سے منسوب لوح مشتری کو ہی اہمیت دی جاتی ہے اس مرتبہ ایک مخصوص طریقہ ہم سیارہ زہرہ کے شرف میں پیش کرنے جا رہے ہیں جو حصول دولت بلکہ حاضری مال و دولت کے سلسلہ میں کافی بہتر پایا ہے ۔

ان تینوں اعمال کو پیش کرنے سے قبل صرف اتنا کہوں گا کہ عملیات میں استحقاق کا ہونا شرط ہے جو حضرات اس بات کو سمجھتے ہیں وہ خوابوں کی دنیا میں ہرگز نہیں رہتے ۔ آپ جو بھی عمل تیار کریں یہ ضرور دیکھ لیں کہ آیا آپ استحقاق رکھتے بھی ہیں یا نہیں ؟ ۔ یا کسی ناجائز مقام پر تو عمل کا استعمال کرنے نہیں جا رہے ؟

اگر آپ کا مقصد کسی کو بے آبرو کرنا ہے تو یاد رکھئے کہ عمل کام کرے یا نہ ، کچھ نہیں کہا جاسکتا لیکن اتنا یقین سے کہہ سکتا ہوں کہ چند ماہ یا چند سالوں میں خود کو تباہی کے دہانے پر پائیں گے ۔ لہٰذا جو بھی قدم اٹھائیں خوب سوچ سمجھ کر فیصلہ لیں ۔ یہ بالخصوص ان حضرات کے لئے لکھ رہا ہوں جو اپنی نفسانی خواہشات کو عشق کا نام دیکر معاشرے میں بدنامی کا باعث بنے ہوتے ہیں ۔

آپ اپنے مقصد کے مطابق مطلوبہ لوح تیار کر سکتے ہیں ۔ اکثر حضرات اس بات کے جاننے کے خواہش مند ہوتے ہیں کہ آیا ہر فرد اسے خود تیار کر سکتا ہے ؟ تو میرا جواب یہ ہے کہ کام کرنے سے کام کرنے کا سلیقہ آتا ہے ، ایک ہی کام کو لگاتار مسلسل کرتے رہنا ، آپ کو اس کام میں مہارت تامہ دلوانے کا باعث بنتا ہے ۔ اجازت کا طلب کرنا ، اجازت کے نام پر نیاز ، موکلات کے نام پر ہدیہ وصول کرنا ہمارے ہاں عام ہے ۔ آپ ان اعمال میں سے جو بھی عمل کرنا چاہیں کسی مخصوص اجازت کی ضرورت نہیں اگر آپ نے حروف تہجی کی زکات ادا کر رکھی ہے تو آپ ان اعمال کو لوازمات کے ساتھ انجام دے سکتے ہیں ۔ وہ افراد جنہوں نے حروف تہجی کی زکات ادا نہ بھی کی ہو تو میرا تجربہ و مشاہدہ ہے کہ اگر عمل صحیح استخراج کیا گیا ہو اور لوازمات کا خیال رکھا گیا ہو تو موثر ثابت ہوتا ہے ۔

حروف تہجی کی زکات کے متعلق ایک تفصیلی مضمون تحریر کر چکا ہوں آپ چاہیں تو یہاں کلک کرکے مطالعہ کر سکتے ہیں ۔
وہ افراد جو عملیات کو الہ دین کا چراغ سمجھتے ہیں وہ اگر مضمون فلسفہ عملیات کو پڑھیں تو اصل حقائق کو سمجھنے میں مدد ملی گی ۔

تسخیر خلائق و رجوع خلق     

اب ہم سب سے پہلے تسخیر خلق کے لئے اس سعد وقت میں لوح شرف زہرہ تیار کرنے کا طریقہ بیان کرتے ہیں ۔
تسخیر خلق کے لئے ہم جس آیت کا استعمال کریں گے وہ مشہور و معروف آیت ہے یعنی ” لقد جاء کم رسول من انفسکم عزیز علیکم ما عنتم حریص علیکم بالمومنین رؤف رحیم ” ۔
اس آیت کے اعداد ابجد قمری 2897 ہیں ۔ سورہ توبہ کی آیت 128

شرف زہرہ کی لوح بنانے کا مفصل طریقہ     

اپنے نام مع والدہ میں آیت مذکور کے اعداد جمع کریں ان اعداد سے ۴۱(اکتالیس) عدد نفی کریں جو بقیہ اعداد حاصل ہوں ان کے حروف بنائیں ان حروف کو جوڑ کر آگے کلمہ ایل لگا دیں اور موکل استخراج کرلیں ۔
اب ایک تکسیر تیار کرنا ہے جسے تیار کرنے کے لئے نام مع والدہ بسط حرفی کرکے لکھیں پھر آیت مذکورہ کو بسط کرلیں
اس نئی سطر سے تکسیر حاصل کریں ۔
اس تکسیر کے پہلوئے راست و پہلوئے چپ کے حروف اٹھا لیں ۔
اگر تعداد میں طاق ہو تو تین یا پانچ حرفی کلمات بنائیں ۔ اگر تعداد میں یہ حروف جفت ہوں تو چار حرفی کلمات بنائیں ۔ جس قدر کلمات بنیں ان کے آگے کلمہ ” یوش ” لگا دیں ، یہ اعوان العمل کہلائیں گے ۔
تکسیر کی سطر اول کے اعداد کو مد نظر رکھیں اور غور کریں کہ سطر زمام کتنی سطور میں برآمد ہوئی ہے ۔
سطر اول کے اعداد کو سطر زمام جتنی سطور میں برآمد ہوئی ہے اس عدد سے ضرب دے دیں اس طرح کل تکسیر کے اعداد حاصل ہوجائیں گے ۔ اس کل تکسیر کے اعداد سے 319 عدد نفی کرلیں اور باقی اعداد کے حروف بنالیں انہیں جوڑ کر ایک کلمہ بنائیں اور اس کے آگے کلمہ ” طیش ” لگا دیں ، یہ جنات العمل ہے ۔
تمام تکسیر کے اعداد مخمس میں پر کر دیں ۔
اس مخمس کے چاروں جانب اعوان العمل کو تحریر کر دیں جو آپ نے تکسیر کے پہلوئے راست و چب سے حاصل کئے تھے ۔
اس نقش کی پشت پر ایک فرضی تصویر بنائیں کہ ایک کرسی نشین مرد ہے جو خوش پوشاک ہے اس کے سامنے ظاھر کریں کہ بے اندازہ لوگ آرہے ہیں ۔ کرسی نشین کے سر پر موکل کا نام تحریر کر دیں اور خلقت کو جہاں ظاھر کیا گیا ہے وہاں جنات العمل کا ۔
اس تصویر کے اوپر نیچے دائیں بائیں اعوان العمل کو تحریر کر دیں ۔
مخمس آپ نے تحریر کیا تھا اس مخمس کے نیچے عزیمت تحریر کریں۔

بسم اللہ الرحمن الرحیم عزمت علیکم و اقسمت علیکم یا ارواح العلویات والسفلیات (نام موکل، نام اعوان العمل ، نام جنات العمل)۔
بقضائے حاجتی تسخیر خلائق و رجوع خلائق بحق الاسم الاعظم یا بدوح وآیہ مبارکہ لقد جاء کم رسول من انفسکم عزیز علیہ ما عنتم
حریص علیکم بالمومنین رؤف رحیم و بحق خالقکم و موحدکم و بارکم بارک اللہ فیکم و علیکم ۔ العجل العجل العجل الساعۃ الساعۃ الساعۃ
الوحا الوحا الوحا۔

دو نقش آپ نے کاغذ پر زعفران و عرق گلاب کے محلول سے تیار کرنے ہیں جبکہ ایک نقش آپ نے چاندی یا تانبہ کے پترہ پر کندہ کرنا ہے سائز تین انچ پترے کا رکھا جائے تو بآسانی تحریر کرپائیں گے ۔
لوح کو معطر کرکے ہمہ وقت جیب میں یا گلے میں بطور تعویذ اپنے پاس رکھے ۔
ایک نقش اپنے گھر کی چھت یا مکان یا دوکان یا دفتر کے اندر لٹکا دیں یا صحن میں کوئی پھلدار یا پھولدار درخت ہو تو اس پر لٹکا دیں
تاکہ ہوا سے ہلتا رہے ۔
جبکہ دوسرا نقش فریم میں جڑوا کر ایسی جگہ آویزاں کردیں کہ ہر آنے جانے والے کی نظر پڑے انشاء اللہ عزت و شہرت حاصل ہوگی۔
اب اس تمام عمل کو مثال سے واضح کر رہا ہوں ۔ مثال میں نام والدہ نہیں لیا گیا لیکن آپ عمل تیار کرتے وقت نام والدہ ضرور شامل کریں۔
نام طالب :محمدحسن اعداد ابجد قمری 210 آیت کے اعداد 2897
مجموعہ 3107 اکتالیس (۴۱) عدد قانون کے نفی کئے تو باقی رہے 3066۔ ان کے حروف بنائے ۔ و س غ ج کلمہ ائل کا اضافہ کیا
وسغجآئل یہ موکل عمل استخراج ہوگیا۔

اب تکسیر برآمد کرنے کے لئے نام طالب اور آیت کو بسط حرف کیا
م ح م د ح س ن ل ق د ج ا ا ک م ر س و ل م ن ا ن ف س ک م ع زی ز ع ل ی ھ م ا ع ن ت م ح ر ی ص ع ل ی ک م ب ا ل م و م ن ی ن رو ف ر ح ی م

تکسیر شرف زہرہ

تکسیر کی سطر اول کے اعداد 3107۔
کل 18سطور میں زمام برآمد ہوئی ہے ۔ لہٰذا 3107 کو 18سے ضرب دیا گیا تو حاصل ضرب 55926حاصل ہوا ، اس مجموعہ سے جنات العمل استخراج کرنے کے لئے 319 عدد نفی کر دئیے گئے۔ حاصل رقم 55607، (پچپن ھزار چھ سو سات)۔اس کے حروف بنائے گئے
زخ غ ھ ن آگے کلمہ “طیش ” کا اضافہ کرکے جنات العمل بنا “زخغھنطیش”۔
پہلوئے راست کے حروف
م م ل م س م م ل ت م د ح ح ع ر ل د ح
پہلوئے چپ کے حروف ۔
م ل م س م م ل ت م د ح ح ع ر ل د ح م
کل حروف کی تعداد36(چھتیس) ۔ تعداد جفت ۔ لہٰذا چار حرفی کلمات بنائے جائیں گے
پہلوئے راست سے بنائے جانے والے چار حرفی کلمات

م م ل م       س م م ل      ت م د ح     ح ع ر ل       د ح
مملمیوش    سمملیوش    تمدحیوش    حعرلیوش    دحیوش

پہلوئے چپ سے بنائے جانے والے چار حرفی کلمات

م ل م س     م م ل ت     م د ح ح     ع ر ل د     ح م

ملمسیوش    مملتیوش    مدححیوش    عرلدیوش   حمیوش

گویا کل 10(دس)کلمات اعوان العمل کے استخراج ہوئے یہ نقش کے اردگرد لکھے جائیں گے ۔
یہاں یہ بات واضح کردوں کہ بعض ماہرین فن کے نزدیک ان کلمات کو ہی پھیلا کر لکھ دینا کافی ہے ۔
جبکہ بعض کا خیال ہے کہ جو کلمات وضع کئے گئے ہیں وہ نقش کے اوپر نیچے دائیں بائیں ہر جانب مکمل تحریر کئے جائیں ۔
میرا اپنا طریق یہی ہے کہ کل کلمات کو چاروں اطراف علیحدہ علیحدہ تحریر کرنا انسب خیال کرتا ہوں ۔

اب ہم نے کل اعداد سے نقش مخمس پُر کرنا ہے ۔

جس کا طریقہ یہ ہے کہ کل اعداد ( تکسیر کے ) سے 60 عدد قانون کے نفی کر دیں ۔ باقی کو 5 پر تقسیم کردیں
حاصل تقسیم کو حسب ذیل چال سے نقش مخمس میں پُر کردیں یعنی خانہ اول میں حاصل تقسیم کی رقم کو رکھیں اور چال کی ترتیب کے مطابق ایک ایک عدد کا اضافہ کرتے جائیں۔
بعد از تقسیم اگر ایک باقی بچے تو خانہ 21(اکیس) میں
دو بچنے کی صورت میں خانہ 16(سولہ) میں
تین باقی رہنے کی صورت میں خانہ 11(گیارہ)میں
اور چار باقی رہنے کی صورت میں خانہ 6(چھ) میں مزید ایک عدد کا اضافہ کرتے ہوئے کسر پُر کی جائے گی

سب سے پہلے اس نقش کی چال ملاحظہ کریں۔

نقش مخمس کی چال      

نقش مخمس کی چال

ہماری تکسیر کے کل اعداد 55926 ہیں ان اعداد کو ہم نے نقش مخمس میں پُر کرنا ہے ۔
ہم نے قانون کے 60 عدد نفی کئے تو 55866 حاصل ہوئے ۔
ان اعداد کو 5 پر تقسیم کردیا گیا ۔ حاصل تقسیم 11173اور تقسیم سے ایک باقی بچا ۔ گویا نقش پُر کرتے وقت ہم نے قوانین کے مطابق خانہ نمبر 21میں ایک عدد کا مزید اضافہ کرنا ہوگا۔

شرف زہرہ 2022 کا مثالی نقش

نقش کی پشت پر جو تصویر بنائی جائے گی وہ کچھ یوں ہو سکتی ہے ۔

شرف زہرہ 2022 نقش کی پشت پر بنائی جانے والی تصویر

گزشتہ وقتوں میں سہولیات میسر نہ تھیں موجودہ دور میں خود کی تصویر بھی استعمال کی جا سکتی ہے موبائل سے اپنی اچھی پوشاک پہن کر کسی مناسب جگہ بیٹھ کر تصویر کھینچ لیں اس کے بعد مختلف سوفٹوئیر کو استعمال کرتے ہوئے اس تصویر کو اسکیچ کی صورت دے سکتے ہیں اسی طرح تسخیر خلق کو  بھی حقیقی عوام ظاہر کیا جا سکتا ہے بس اپنی عقل سلیم پر زور ڈالئے اور کوشش کریں ۔
تصویر کے سر پر موکل کا نام ، جبکہ خلقت کے عین اوپر جنات العمل کا نام تحریر کیا جائے گا جبکہ تصویر کے اوپر نیچے دائیں بائیں اعوان العمل ۔
اب اگر روزانہ 121 یا 92 مرتبہ آیہ مذکورہ کا ورد کریں تو بہتر ہے اور یہ بھی موزوں ہے کہ عوام و خود کی تصویر کے اوپر دونوں کے وسط میں بدر کامل کا اسکیچ بھی شامل کرلیا جائے ۔ بہرحال جو حضرات فن کی باریکیوں کو جانتے ہیں وہ بے شمار راہیں نکال سکتے ہیں۔

لوح شرف زہرہ کیسے حاصل کریں ؟     

عمل تفصیل سے لکھنے کا مقصد ہی یہ ہوتا ہے کہ ہر ضرورتمند اپنے لئے خود تیار کرے اور یقین جانئے کہ جو محنت اور لگن آپ خود کے لئے کر سکتے ہیں وہ کوئی دوسرا فرد نہیں کر سکتا۔ لہٰذا بہتر یہی ہے کہ خود محنت کریں اور فائدہ اٹھائیں۔
تاہم وہ افراد جو کسی بھی سبب خود کے لئے یا اپنے کسی عزیز کے لئے لوح شرف زہرہ تیار نہ کرسکتے ہوں ، وہ اپنے کسی قریبی با اعتماد صاحب علم فرد سے مدد لیں ۔ اس سال میں ذاتی طور پر کسی کی علمی مدد کرنے سے قاصر ہوں لہٰذا اس سلسلہ میں مجھ سے رابطہ نہ کیا جائے ۔ 

 

 

1 Comment

Leave a Reply

Your email address will not be published.


*