ہبوط شمس
اوقات : 11اکتوبر2015رات 8بجکر34منٹ سے12اکتوبر2015رات8بجکر49منٹ تک۔
سیارہ شمس با قوت اور پرتاثیر مانا گیا ہے ، اعلیٰ مراتب ، غلبہ حاصل کرنا ، مقدمات میں فتحیابی ، بلندی مرتبہ و جاہ و حشمت جیسے امور اسی سیارہ سے منسوب کئے گئے ہیں جہاں ہم اس کی سعد حالتوں میں مذکورہ بالا امور کے حصول میں کامیابی کے لئے اعمال انجام دے سکتے ہیں بالکل اسی طرح جب یہ سیارہ
دائرۃ البروج کا دورہ کرتے ہوئے برج میزان کے 19 درجہ پر پہنچتا ہے تو حالت ہبوط میں ہوتاہے ، اس دوران دشمن پر غلبہ پانے ، اس کی صحت کو نقصان پہنچانے اور اسے ناگہانی آفات میں الجھانے کے لئے اعمال انجام دئیے جا سکتے ہیں ۔
روحانی علوم ڈاٹ کام کا مقصد کبھی شر یا شر کو فروغ دینا ہرگز نہ رہا ، لیکن ہم یہ بات بخوبی جانتے ہیں کہ بسا اوقات زندگی ایسی راہ پر گامزن کردیتی ہے کہ دشمن کی کارستانیوں کے سبب انسان زندگی پر موت کو ترجیح دینے لگتا ہے ۔ بعض اوقات ہم دیکھتے ہیں کہ ایک فرد کمزور ہے جبکہ اس کا دشمن قوی ، اس کا اثر و رسوخ اس قدر ہوتا ہے کہ اس کے خلاف کوئی قدم اٹھانا تو درکنار ، آواز بلند کرنے پر بھی بہت خطرناک نتائج کا سامنا کرنا پڑ سکتا ہے ۔ ایک شریف انسان ایسی صورت میں یا تو دشمن کے رحم و کرم پر خود کو چھوڑ دیتا ہے یا پھر حاالت سے دلبرداشتہ ہو کر خود کو اپنی عقل و شعور کی گرفت سے آزاد کرواتے ہوئے دشمن کو نقصان پہنچانے کے لئے قانون ہاتھ میں لینے کی کوشش کرتا ہے ، دونوں ہی صورتوں میں اسے نقصان اٹھانا پڑ سکتا ہے ۔ جب خدانخواستہ کسی پر ایسا موقعہ آجائے اور وہ بے یار و مددگار ہو تو ایسی صورت میں اس عمل سے استفادہ کیا جا سکتا ہے معمولی رنجش پر لوگوں کو سزا دینے کے لئے عمل کا سہارا
لیں گے تو یاد رکھئے آپ بھی اس کی رجعت سے محفوظ نہیں رہ پائیں گے ۔
اس سلسلہ میں ایک جفری عمل پیش کرنے جا رہا ہوں ، اس عمل کی تیاری میں چھ حروف ابجد سے مدد لی گئی ہے جو کہ یہ ہیں ” ف،ش،خ،ض،ظ،غ”۔
طریقہ یہ ہے کہ نام دشمن معہ والدہ تحریر کریں اور بسط کرلیں ان چھ حروف کے ساتھ امتزاج دیں اور ایک نئی سطر تیار کرلیں خیال رہے کہ نام دشمن معہ والدہ کے حروف چھ سے زائد ہوں تو ایسی صورت میں ازسر نو چھ حروف شمارکرکے امتزاج دیا جائے حاصلہ سطر کی تکسیر تیار کریں چہار گوشوں کے حرف حاصل کریں ۔ اسی طرح قلبی حرف یا حروف استخراج کرکے ایک جانب لکھ لیں ۔
ان حروف کو دی گئی جدول سے تبدیل کرلیں ۔
حروف کی تبدیلی کا طریقہ یہ ہے کہ ” ا ” کو ” ب ” سے ، اور "ب” کو ” ا "سے تبدیل کیا جائے ، اسی طرح حرف ج کو د سے اور د کو ج سے تبدیل کیا جائے گا
چہار گوشوں سے حاصلہ حروف کو بتائے گئے طریقہ کار کے مطابق تبدیل کریں اور ان حروف کے اعداد حاصل کریں جو بھی اعداد حاصل ہوں ان کے حروف بنا کر آگے کلمہ ” آئیل ” کا اضافہ کردیں اور موکل العمل تیار کرلیں ۔ اسے ایک جانب لکھ لیں ۔
آپ نے تکسیر سے جو قلبی حرف یا حروف حاصل کئے ہیں انہیں بھی درج بالا طریقہ کار کے مطابق جدول سےتبدیل کریں اور حاصلہ حروف ہونے کی صورت میں مرکب کرلیں ۔
اب ایک نقش مثلث خاکی لکھیں جس کے خانہ اول میں 957لکھ کر ایک ایک کا اضافہ کرتے ہوئے خاکی چال کے مطابق نقش مکمل کیا جائے ۔
ایک فرضی تصویر دشمن کی بنائی جائے جس سے ظاہر ہو کہ دشمن چاروں شانے چت زمین پر لیٹا ہوا ہے یہ نقش دشمن کے پیٹ کے عین اوپر تحریر کیا جائے۔
اس شکل کے دائیں جانب ایک ہیبت ناک شکل کا شخص بنائے جو بہت غضبناک ہو اس کے ہاتھ میں کلہاڑا ہو تصویر سے یہ ظاہر ہو کہ یہ کلہاڑے والا شخص بس اس پر حملہ کرنے ہی والا ہے ۔ آپ نے جو موکل استخراج کیا تھا وہ اس ہیبت ناک شخص کی تصویر کے اوپر لکھ دیں جبکہ جو قلبی حرف یا حروف حاصل کئے تھے یہ کلہاڑے کے منہ پر تحریر کردیں ۔ طلسم تیار ہے ۔ یہ طلسم پیتل کے پترے پر تحریر کیا جائے گا ۔ کوشش کریں کہ یہ کام گھر میں نہ کریں بلکہ اسے تحریریا کندہ کرنے کے لئے گھر سے باہر کسی جگہ کا انتظام کریں جب لوح تیار ہوجائے تو اسے کسی محفوظ مقام پر رکھ دیں (گھر میں نہ رکھیں )۔
گھر آکر غسل کرلیں ۔ اب اس طلسم کو تین طریق پر استعمال کیا جا سکتا ہے ۔
اگر برائے ہلاکت دشمن تیار کیا ہے تو اسے قبرستان یا ہندؤں کے مسان میں دفن کردیں ۔
اگر اسے کسی طرح دشمن کے گھر میں دفن کر دیا جائے تو دشمن اپنے اہل خانہ کے ہمراہ ان گنت پریشانیوں میں مبتلا ہوجائے گا ۔
اگر اس طلسم کو کسی چوراہے یا جنگل میں کسی جگہ دفن کر دیا جائے تو ایسی صورت میں دشمن کے جسم پر مختلف بیماریاں ظاہر ہوں گی جن کا علاج معالجین کرنے سے قاصر رہیں گے ۔
دفن کرنے کے مختلف اوقات علماء جفر نے متعین کئے ہیں جن کو مد نظر رکھ کر اثرات میں تیزی لائی جا سکتی ہے لیکن میں ان کا تذکرہ یہاں نہیں کر رہا
آپ اس طلسم کو جب سیارہ قمر برج عقرب میں داخل ہو ، داخلہ کے چار گھنٹے بعد دفن کردیں ۔
میں اس عمل کی مثال بھی پیش نہیں کر رہا کہ اس طرح ہرکس و ناکس کے ہاتھ تلوار دینا عقلمندی نہیں ۔
جو درحقیقت ضرورت مند ہیں وہ اپنے قریبی صاحب علم فرد سے رجوع کریں یا جو جفری اعمال کو خود سمجھنے کی اہلیت رکھتے ہیں وہ محنت کریں
انشاء اللہ آپ کے دشمن کے تمام ہتھکنڈے ناکام ہوجائیں گے اور وہ دشمنی سے باز آجائے گا جب ایسی حالت طاری ہوجائے تو طلسم کو دفن کی ہوئی جگہ سے نکال کر پانی میں بہا دیں کہ دشمن بھی اللہ کی مخلوق ہے ۔ پانی میں طلسم کو بہاتے ہی عمل کی تاثیر زائل ہوجائے گی ۔
