Roohani bath ya roohani ghusal | Syed Muhammad Ajmal – Islamabad | روحانی باتھ یا روحانی غسل ۔ از قلم سید محمد اجمل ۔ اسلام آباد

نوٹ: مضمون ہٰذا روحانی باتھ کے نام سے سن 2012 عیسوی میں شائع کیا گیا تھا

 

Roohani bath ya roohani ghusal | Syed Muhammad Ajmal – Islamabad | روحانی باتھ یا روحانی غسل ۔ از قلم سید محمد اجمل ۔

اسلام آباد

گزشتہ دنوں مختلف ٹی وی چیلنز پر کالا جادو ، عاملوں اور قبرستان میں عملیات سے متعلق پروگرامز نشر کئے گئے جنہیں دیکھنے کے بعد ایسا محسوس ہوتا ہے کہ ہر شخص شارٹ کٹ کی تلاش میں ہے اور روحانی علوم کو بس ایک مذاق سمجھ لیا گیا ہے اور ہمیں یہ علم تک نہیں ہوپاتا ہے کہ ہمارے ساتھ کیا ہوگیا ہے ؟ معلوم اس وقت ہوتا ہے جب نحوستیں ہر طرف سے ہمیں آگھیرتی ہیں اور پھر سب کچھ تباہ و برباد ہوجاتا ہے
کالے جادو میں اب ان پروگرامز کے مطابق انسانی ہڈیوں تک کا استعمال کیا جا رہا ہے ۔ ایک جانب یہ کالے جادو کرنے اور کروانے والے ، تو
دوسری طرف جعلی عاملین جن کو روحانی علوم کا کچھ علم ہی نہیں ۔ تو ایسے میں جو لوگ ان امراض کا شکار ہیں وہ کہاں جائیں اور کیا کریں؟
جس طرح کوئی بھی انسان جب جسمانی طور پر بیمار ہوتا ہے اور وہ اپنے علاج کے لئے کسی ڈاکٹر کے پاس جاتا ہے تو اس کے کئی میڈیکل ٹیسٹ کروائے جاتے ہیں تاکہ اصل بیماری کا پتہ چل سکے ۔ پھر یہ چیک کیا جاتا ہے کہ بیماری کس نوعیت کی ہے ؟ ۔ اس کی شدت کیا ہے ؟
بیماری نئی ہے یا پرانی ؟ ۔ اگر کوئی جراثیم ہے تو وہ ایکٹیو ہے یا ڈیڈ ؟  غرضیکہ ایک مکمل چیک اپ کرنے کے بعد ادویات کا نسخہ تجویز
کیا جاتا ہے ۔ اور مریض اور بیماری کی شدت کو مد نظر رکھ کر ادویات کی طاقت کو بھی دیکھا جاتا ہے لیکن افسوس کا مقام یہ ہے کہ ہمارے عاملین روحانی طریقہ علاج میں یا تو بندش بتاتے ہیں یا نحوست سیارگان یا پھر کالا جادو ۔ اور پھر کہتے ہیں کہ اس  کا توڑ کیا جائے گا
پھر کہا جاتا ہے کہ جنات اور موکلات بکرے کے گوشت کا صدقہ مانگتے ہیں جو مریض کے وزن کے برابر ہوگا وغیرہ۔۔۔۔۔۔۔اصول تو یہ ہے کہ روحانی علاج میں بھی مکمل چیک اپ کیا جانا چاہئے جو بھی انسان آپ کے پاس آیا ہے علاج کے لئے ، اس کا مکمل چیک اپ کیا جائے کہ وہ کس مرض میں مبتلا ہے
نحوست سیارگان
بندش(شادی ، ملازمت ، ترقی ملازمت ، صحت، رشتہ وغیرہ )۔
کالا جادو
جسمانی بیماری
سست روی (اپنی خود کی سستی ) کبھی کبھی انسان اپنے رستے خود اپنی سستی کی وجہ سے بند کرلیتا ہے
اگر کوئی اپنے فن کا ماہر ہے تو وہ روحانی علاج کے سلسلے میں مختلف طریقوں کو استعمال کرتے ہوئے بیماری کی نوعیت ، شدت اور پھر اس کے علاج کا نسخہ تجویز کرے گا
علم نجوم (پیدائشی یا وقتی زائچہ)۔
علم جفر اخبار
علم رمل
حاضرات وغیرہ
پنڈولم ریڈنگ(ہاں یا نہ)۔
کارڈز ریڈنگ (ٹیرٹ کارڈز)۔
علم الاعداد
استخارہاس کے علاوہ بھی مختلف طریق رائج ہیں ۔
بہرحال ان طریقوں کو استعمال کرکے پہلے بیماری کا چیک کیا جاتا ہے ، پھر یہ دیکھا جاتا ہے کہ اس کی شدت کیا ہے ؟ اس کا طریقہ علاج کیا ہوگا ؟ کونسا عمل یا لوح اس کے لئے کام کرے گی ؟ وہ عمل کس دن شروع کیا جائے ؟ کتنے دنوں تک کیا جائے ؟کتنے دنوں یا مہیںوں میں اس کا اثر ہوگا ؟ وغیرہ وغیرہمیں ادارہ روحانی علوم کے تعاون سے علم نجوم اور پنڈولم ریڈنگ اور کارڈ ریڈنگ سے ٹیسٹز شروع کر رہا ہوں مندرجہ بالا تمام اصولوں کو مد نظر رکھ کر دو طریقے روحانی باتھ کے بیان کئے جا رہے ہیں جو کہ میرے مجرب ہیں آپ انہیں آزمائیں اگر معمولی سی بندش کا اثر ہے تو کچھ دنوں میں ہی ختم ہوجائے گی اور اگر ان کا مسلسل استعمال کریں تو اثرات آپ کے سامنے واضح عیاں ہوں گے ۔ روحانی طریقہ علاج تین درجات پر مشتمل ہے ۔ اگر ابتدائی نوعیت کی بندش وغیرہ ہو تو طریقہ کار درج ذیل ہے

روحانی باتھ یا روحانی غسل نمبر ۱

روحانی طریقہ علاج کے پہلے اسٹیج میں خاتمہ (نحوست، بندش، جادو ،سست روی)کا کیا جاتا ہے اور اس کے ساتھ ہی اس بیماری سے تحفظ بھی کیا جاتا ہے (کسی آیات یا پھر لوح تحفظ )تاکہ جس بیماری کو ختم کیا جارہا ہے وہ دوبارہ نہ پلٹے ۔ اس میں بھی پہلے سے ہی مکمل ریڈنگ لی جاتی ہے پھر شروع کیا جاتا ہے ۔اس طریقہ باتھ میں چند چیزوں کا استعمال کیا جاتا ہے جو کہ درج ذیل ہیں ۔
سمندری نمک
زوفا
سداب
خشک پودینہ
لیمن گراس

ان سب کو مکس کرکے (سوائے سمندری نمک کے )کسی برتن میں ڈالیں اور تقریباً ایک سے دوگھنٹہ تک ہلکی آنچ پر پکائیں
پھر اس پانی کو فلٹر کرلیں اور نہانے کے ٹب میں ڈالیں اور آدھہ کپ سمندری نمک بھی اسی کپ میں ڈالیں سب پانی مکس کریں اور سر سے پاؤں کی جان نہائیں یعنی کہ اوپر سے نیچے کی جانب جسم کے ہر حصہ پر پانی ڈالیں ۔ یاد رکھیں کہ جس ٹب میں یہ پانی اور سمندری نمک ڈالا تھا اس میں اور پانی مکس کریں اب رہی بات ان سب کی مقدار کی اور کتنے دنوں تک نہانا ہے تو یہ ہر کسی کے لئے مختلف ہوگا بہرحال آپ حضرات دو دو تولہ تمام اشیاء لے کر استعمال کریں اور کم از کم گیارہ سے اکیس یوم تک یہ باتھ لیں یہ مٹیریل کم از کم ایک ہفتہ کے استعمال کے لئے کافی ہے اور نہایت سستا بھی ہے ۔ پہلے باتھ کے بعد فوراً اپنا حصار کریں یا تو آیات قرآنی سے یا پھر کسی لوح تحفظ وغیرہ سے ۔
پہلے دو یا تین دن باتھ لینے سے ہی آپ اپنے آپ کو بہت ہی ریلیکس محسوس کریں گے لیکن اس کو مکمل ضرور کریں
میں اس کو ایک خاص تناسب سے ترتیب دیتاہوں پنڈولم ریڈنگ کے بعد ۔

روحانی باتھ یا روحانی غسل نمبر۲

اس باتھ میں ہم بھنڈی کا جوس استعمال کریں گے یہ انتہائی موثر باتھ ہے اس باتھ کے لینے سے تقریباً دس سے پندرہ منٹ میں اس کا اثر شروع ہوجاتا ہے یہ باتھ کسی بھی عمل کو پلٹانے میں استعمال ہوتا ہے اس باتھ کے فوراً بعد انسان اپنے آپ کو بہت ہی ریلیکس محسوس کرتا ہے
نیند بہت آتی ہے ۔ اس کا طریقہ کار یہ ہے کہ ایک پاؤ بھنڈی لیں اور اسےایک برتن میں ڈالیں اور اس میں پانی ڈالیں ، کوئی کھلے منہ کا برتن استعمال کریں پھر اس برتن میں پانی کے اندر ان بھنڈیوں کو اپنے ہاتھ سے چھوٹے چھوٹے ٹکروں میں توڑیں اور پھر ان کو پانی میں مسلیں
تاکہ ان کا سارا جوس پانی میں مکس ہوجائے پھر اس پانی کو چھان لیں اس طرح ایک پورا ٹب نہانے کا پانی بنالیں لیکن یہ بہت گاڑہ ہونا چاہئے
اور یہی گاڑہ پانی ہمارے کام کا ہے اس کے بعد پہلے والے طریق کے مطابق سر سے پاؤں تک جسم کے ہر حصہ پر پانی ڈالیں ۔ اس کے بعد آپ ریلیکس ہو کر بیٹھیں اور دیکھیں کہ آپ کیا محسوس کرتے ہیں ؟اس گاڑھے جوس میں آپ اور پانی شامل کر سکتے ہیں لیکن اتنا کہ گاڑہ پن ختم نہ ہو باتھ کے فوراً بعد اپنا حصار کریں ، آیات قرآنی سے یا پھر لوح تحفظ سے ۔
اس کے اثرات کو دوچند کرنے کے لئے آپ سورہ یونس کی آیت نمبر ۸۱ اور ۸۲ کو زعفران اور عرق گلاب کی سیاہی سے دونوں آیات کو ۴۱ بار کاغذ پر لکھیں اور روزانہ ایک کاغذ کو پانی کی بوتل میں صبح کے وقت ڈال دیں اور جب بھی پانی پینا ہوتو اس بوتل میں سے پئیں اس کے علاوہ کم از کم روزانہ ایک بار سورہ الرحمن مع ترجمہ پڑھیں یا سنیں پھر دیکھیں کہ کس طرح چند دنوں میں حالات آپ کے تبدیل ہوتے ہیں

اب ہم چلتے ہیں اس علاج کے دوسرے اسٹیج کی طرف ۔ کسی بھی انسان پر مندرجہ بالا کوئی بھی عمل ہوا ہوگا تو اس کے تمام کاموں کی بندش ہوجائے گی اس کا کوئی بھی کام یا تو ہوگا ہی نہیں یا تو پھر ہوتے ہوتے رہ جائے گا ۔ یا ختم ہو جائے گا ۔ بڑی عجیب و غریب کیفیت محسوس ہوگی ۔دماغ میں طرح طرح کے خیالات آئیں گے ۔ مسلسل ناکامیاں ، پریشانیاں اور ڈپریشن ۔ انسان اپنے آپ میں بے بسی محسوس کرنے لگتا ہے خلاصہ یہ ہے کہ ہر رستہ بند ہوجاتا ہے جن کو اس علاج کے دوسرے اسٹیج میں ختم کیا جاتا ہے اس اسٹیج میں اس کو ذہنی طور پر مضبوط کیا جاتا ہے اور اسکے ساتھ جڑی ہوئی منفی قوتوں کاخاتمہ کیا جاتا ہے میں اس کے لئے کاش البرنی مرحوم کا ایک بہت ہی مجرب فتح نامہ تیار کرتا ہوں ۔ بہرحال اس اسٹیج کو بھی پہلے ریڈنگ سے چیک کیا جاتا ہے کہ کیا کیا جائے ؟اب ہم آئیں گے اس کے تیسرے اسٹیج کی طرف ۔ جو کہ ہمارے مقصد کی ہے جس کے لئے ہم یہ سب کچھ کر رہے ہیں اس اسٹیج میں مقصد کو سامنے رکھتے ہوئے پہلے ریڈنگز لی جاتی ہیں پھر اس کے مطابق کوئی بھی عمل کیا جاتا ہے (پڑھائی ، جفری عمل ، الواح وغیرہ)مثال کے طور پر اگر کسی کو معاشی مسائل کا سامنا ہے تو ان کی بہتری کے لئے کام کیا جاتا ہے (ترقی معاش، ملازمت ، ترقی ملازمت وغیرہ)اس سلسلے میں آپ لوگوں کے لئے ایک بخور کا نسخہ تحریر کررہا ہوں جو کہ میرا آزمودہ اور مجرب ہے اس کی مقدار کو بھی ایک خاص تناسب سے مکس کیا جاتا ہے ۔

نسخہ بخور برائے فراوانی رزق

اس نسخہ میں مندرجہ ذیل چیزیں شامل ہونگی
دار چینی
لونگ
جائفل
جاوتری
کندر
برادہ صندل
شکر

سب کو مکس کرکے گرینڈ کرلیں اور روزانہ صبح اپنے گھر میں یا اپنے کاروبار کی جگہ پر کوئلوں پر یا چولہے پر جلائیں اور اس کی دھونی دیں اور پھر اس کی تاثیر ملاحظہ کریں ۔
ایک بات کا خاص خیال رکھیں کہ اس سارے طریقہ علاج میں جس کا بھی علاج کیا جا رہا ہے اس کا ہر کام میں ایکٹیو ہونا بہت ضروری ہے کیونکہ باتھ ہو یا بندش کے خاتمہ کا کوئی عمل، حصول مقاصد کے لئے کوئی عمل ہو یا پھر کوئی لوح یہ سب اس سے جُڑی نیگیٹیویٹیز کو ختم کرتے ہیں اور اسکے تمام کاموں میں رکاوٹوں کو دور کرتے ہیں یعنی کہ ایک غیبی مدد ہوتی ہے لیکن ہر کام پھر بھی اسی انسان نے کرنا ہوتا ہے جس کے لئے یہ کام کیا جا رہا ہے ۔ ملازمت نہیں مل رہی تو اس کے بعد ملازمت کی تلاش اسی نے کرنی ہے ، گھر پر بیٹھ نہیں جانا۔
ان سب باتوں کو مد نظر رکھ کر ایک بہت ہی خاص لوح ترتیب دی گئی ہے جو کہ تمام نحوستوں کے خاتمہ اور تحفظ کے لئے موثر ہے آپ اس کو کسی بھی سعد وقت میں تیار کریں اور اس کے اثرات دیکھیں ۔

نوٹ:بذریعہ علم نجوم ، پنڈولم سوال جواب کا سلسلہ شروع کیا گیا ہے خواہش مند حضرات ادارہ کی معرفت سید محمد اجمل صاحب سے رابطہ فرما سکتے ہیں ۔(ادارہ)۔

 

Roohani bath ya roohani ghusal | Syed Muhammad Ajmal – Islamabad | روحانی باتھ یا روحانی غسل ۔ از قلم سید محمد اجمل ۔ اسلام آباد

3 Comments

  1. وعلیکم السلام ۔ غور کریں تو دو دائرے ہیں بائیں جانب موجود دائرہ میں موجود نقش بائیں سے دائیں پھر اوپر سے نیچے کی جانب لکھا جائے گا ۔
    جب کہ دائیں دائرے میں جہاں حرف ب س م دائرے کی صورت میں موجود ہیں وہیں سے ابتداء ہوگی یعنی ب ، س ، پھر م اور پھر آگے حروف لکھے جائیں گے ۔ جب کہ اسی دائرہ میں موجود مثلث کی چال مثلث آتشی ہے ۔

  2. Sir السلام علیکم میں نے اپنے ڈیپارٹمنٹ کے خلاف سپریم کورٹ میں کیس کیا ہے میهربانی کر کے کوئی عمل بتائیں کے فیصلہ میرے حق میں ہو اور یہ میرا جائز ڈیمانڈ ہے جو کہ رشوت نہ دینے کی وجہ سے یہاں تک پہنچ گیا

Leave a Reply

Your email address will not be published.


*